មានហេតុការណ៍កើតឡើងនៅពហុកីឡដ្ឋានជាតិអូឡាំពិកនៅយប់ ថ្ងៃទី ២៨ ខែកក្កដា ឆ្នាំ ២០១៦ នេះ នៅពេលដែលក្រុមកីឡាករជម្រើសជាតិកម្ពុជា និង សិង្ហបុរី ប្រកួតលក្ខណៈមិត្តភាពនោះ មានក្រុមអ្នកទៅទស្សនាបាល់ទាត់ពីរក្រុមបានផ្ទុះជម្លោះវាយតប់គ្នាបណ្តាលឲ្យយុវតី និង យុវជនពីរនាក់រងរបួស ។
ក្រោយពីផ្ទុះជម្លោះភាគីជម្លោះ ៤ នាក់ ត្រូវបានកម្លាំងកងរាជអាវុធហត្ថដែលរក្សាសន្តិសុខសណ្តាប់ធ្នាប់នៅកន្លែងប្រកួតបាល់ទាត់នោះ បានធ្វើការឃាត់ខ្លួនក្រុមបង្កជម្លោះភ្លាមៗផងដែរ ។
មន្ត្រីកងរាជអាវុធហត្ថរាជធានីភ្នំពេញ បានឲ្យដឹងថាគូរជម្លោះបានប្រើកាំបិតកាប់ យុវតីម្នាក់រយៈក្បាល និងបុរសម្នាក់ដាច់សរសៃដៃ ។ ជម្លោះនេះ បានកើតមាននៅមុនការប្រកួតបាល់ទាត់មិត្តភាពអន្តរជាតិរវាងកម្ពុជា និងសិង្ហបុរី ។
តាមរយៈប្រភពដដែល បានឲ្យដឹងថា ជម្លោះឈានដល់អំពើហិង្សានេះ បានកើតឡើងដោយសារតែទំនាស់ពាក្យសម្តី នៅអំឡុងពេលភ្លៀងចាប់ផ្តើមបង្អុរឡើងនៅវេលាម៉ោងប្រមាណជាង ៦ ល្ងាច ៕
ប្រភព៖ pmhotnews