នៅ Peru មានបន្សល់ទុកនូវកេរ្តិ៍ដំណែលប្រវត្តិសាស្ត្រមួយ ដែលនាំមកនូវចម្ងល់ជាច្រើន ។ ព្រោះថា រាប់ពាន់ឆ្នាំមុន បុព្វបុរសរបស់មនុស្សពុំអាចលើកផ្ទាំងសិសាដ៏ធំ (សូម្បីតែបច្ចេកទេសមនុស្ស ក៏ពុំអាចធ្វើបាន) រួចដាក់បញ្ចូលវា «ចំកន្លែង» បាន? ។ ខ្លះថា មនុស្សបូរាណអាចជា «មនុស្សយក្ស» ដែលពួកគេមាននូវឧបករណ៍លើកដាក់ម្យ៉ាង ដែលមនុស្សយើងពុំអាចធ្លាប់ដឹង ។
ផ្ទាំងថ្មដ៏ធំសម្បើមនេះត្រូវបានគេលើកដាក់ «បញ្ច្រាស់» ធ្វើឲ្យកាំជណ្តើរដែលបញ្ច្រាស់បែបនេះ ពុំដឹងថា នាំគេទៅកាន់ទីណាឡើយ! ។ ម្យ៉ាងទៀត ផ្ទាំងសិលានេះ ជាថ្មក្រានីតដ៏រឹង ហើយអាច «ចម្លាក់» បានកាំជណ្តើរ ពិតជារឿងមួយដ៏អស្ចារ្យ នាបុព្វបូរាណគ្រានោះ ។
មតិភាគច្រើនថា នៅតំបន់នោះប្រហេលកើតមាននូវការរញ្ជួយធរណី ទើបឃើញមានផ្ទាំងថ្មខ្លះត្រូវបានចម្លាក់ដ៏ល្អប្រណីត តែខ្លះទៀតគឺនៅរប៉ាត់រប៉ាយគ្មាន «សណ្តាប់ធ្នាប់» ។
ប៉ុន្តែ បំណកស្រាយទាំងឡាយនៅទាល់ច្រកត្រង់ថា វាមាននូវចម្លាក់ផ្សេងដែលល្អប្រណីត ហើយលើផ្ទាំងថ្មក្រានីតយ៉ាងរឹង ។ ធម្មជាតិពុំអាច «ផលិត» បែបនេះបានទេ វាទាមទារនូវបាតដៃដ៏ប៉ិនប្រសប់បូករួមជាមួយបច្ចេកទេសលូតលាស់ ។
សំណួរនៅចោទឡើងច្រើនទៀត ទោះយ៉ាងណាអាថ៌កំបាំងនៅតែជា….អាថ៌កំបាំងដដែល ៕
