សន្តិសុខវ័យក្មេងម្នាក់ នៅក្នុងប្រទេសថៃ ប្រហែលជានៅតែពុំទាន់ផុតរលត់នូវអារម្មណ៍ស្លុតរន្ធត់មួយនោះនៅឡើយ បន្ទាប់ពីរូបគាត់បានជួបប្រទះហេតុការណ៍ក្នុងជីវិតលើកដំបូងដ៏សែនព្រឺក្បាលបំផុត ខណៈកំពុងបំពេញកាតព្វកិច្ចនៅពេលយប់ ។
ជាការពិតណាស់ គាត់បានឃើញពន្លឺភ្លៀងមួយ បានហោះរសាត់កាត់តាមពីដើមឈើ១ទៅដើមឈើមួយ ដែលធ្វើឲ្យគាត់នឹកឃើញដល់ចាស់ៗតែងនិយាយថា «មានព្រាយ អាប» ។ ហើយរឿងហេតុនេះ ត្រូវបានកាមេរ៉ាឃ្លាំមើលបំពាក់លើដងផ្លូវសាធារណៈ ចាប់យកបាន និងត្រូវបានគេបង្ហោះឡើងបណ្តាញសង្គម ។
រឿងហេតុនេះ បានធ្វើឲ្យពួកអ្នកភូមិមានការងឿងឆ្ងល់ ព្រោះតែយប់ថ្ងៃបន្ទាប់ ពួកគាត់ពុំបានឃើញសន្តិសុខរូបនោះ មកបំពេញការងារដូចសព្វដង ។ ប៉ុន្តែ ពួកគាត់បានដឹងការពិត និងព្រឺរន្ធត់សឹងពុំហ៊ានចេញពីផ្ទះ បន្ទាប់ពីសន្តិសុខនោះបានប្រាប់ពីមូលហេតុដែលគាត់ខ្លាចមិនហ៊ានមកធ្វើការ ព្រោះតែឃើញ… «ព្រាយ» ហោះស្តែងៗនៅចំពោះភ្នែករបស់គាត់បែបនេះ ៕
ចុះប្រិយមិត្តវិញ យល់ឃើញយ៉ាងណាដែរ ចំពោះហេតុការណ៍នេះ ?
