យុវជន Zac Mitchell ជនជាតិអូស្ត្រាលី ពេលកំពុងធ្វើការនៅកសិដ្ឋានចិញ្ចឹមសត្វមួយនៅភាគខាងលិចអូស្ត្រាលី ក៏ស្រាប់តែត្រូវសត្វគោធវ័ធ និងធាក់ចំដៃ សង្កត់មេដៃទៅនឹងខ្លោងទ្វារជិតនោះ ។ ពេលក្រោកឈរឡើង Zac មានអារម្មណ៍ឈឺចាប់យ៉ាងខ្លាំង ក្រឡេកមើលដៃរបស់ខ្លួនបាត់មេដៃមួយ ។
ដោយសារកសិដ្ឋាននៅឆ្ងាយពីទីក្រុង ហេតុនេះត្រូវចំណាយពេល ៥ ម៉ោង ទើប Zac ត្រូវបានបញ្ជូនដល់មន្ទីរពេទ្យជិតបំផុត អាស្រ័យហេតុនេះ ការវះកាត់តភ្ជាប់ម្រាមដៃឡើងវិញ មិនសម្រេចជោគជ័យ ។
បន្ទាប់មក Zac ត្រូវបានបញ្ជូនទៅមន្ទីរពេទ្យស៊ីដនី ។ វេជ្ជបណ្ឌិតផ្តល់ជម្រើសអាចប្រើម្រាមជើង ដើម្បីជំនួស ឬ ទទួលយកការកំបុតម្រាម១ ។ Zac សម្រេចចិត្តយកមេជើងមកជំនួសមេដៃ ។ ដោយសារម្រាមជើងធំជាងច្រើន ប្រៀបនឹងម្រាមដៃ ក្រោយពេលវះកាត់ និងជាសះស្បើយ បាតដៃរបស់ Zac ប្រែជាខ្លាំងក្លាជាងមុន ។
វេជ្ជបណ្ឌិតឲ្យដឹង ប្រៀបនឹងការបាត់ម្រាមដៃ នោះការបាត់ម្រាមជើងនឹងល្អជាង ។ ជាងនេះទៀត អត្រាជោគជ័យគឺ ៩៥% ។ ទោះបីការលេងកីឡា និងប្រើកុំព្យូទ័រលំបាកជាង តែប្រសិនធ្វើកិច្ចការធម្មតា នោះម្រាមជើងជំនួស គឺល្អជាងយ៉ាងច្រើន ៕
