….វាជាដំរីញី១ក្បាល និងតែ១គត់ក្នុងប្រវត្តិសាស្ត្រ ត្រូវបានគេព្យូរកនៅចំពោះមុខមនុស្ស ៣០០ នាក់ កាលពី១សតវត្សមុន និងបានបន្សល់ទុកនូវតឹកតាងរូបភាពយ៉ាងច្រើន ។
រឿងរ៉ាវគឺ នាល្ងាចថ្ងៃមួយកាលពីឆ្នាំ១៩១៦ ពួកដំរីក្នុងក្រមសៀក Sparks World Famous Shows របស់លោក Charlie Sparks បានអនុវត្តនូវិញ្ញាសារសៀកផ្សេងៗតាមកម្មវិធីយ៉ាងស្ងៀមស្ងាត់ ដើម្បីបំរើដល់ទស្សនិកជននៅពីក្រោមឆាក ។
អ្នកទស្សនារីករាយ ព្រោះឃើញពួកវាចេះអង្គុយលើកៅអី ឈរជើង២ ពាក់ជើងពីលើខ្នងគ្នា ហើយផ្លុំត្រំប៉ែតលានរន្ទឺពេញឆាក ។ ក្នុងចំណោមនោះ ពុំមានដំរីណាមួយដែលពូកែសំដែងស្មើនឹងដំរីញី១ក្បាលអាយុប្រហែល ២២ ឆ្នាំ មានទម្ងន់ ៥ តោនឈ្មោះថា Mary នោះទេ ។
Mary ចេះផ្លុំ ២៥ ចង្វាក់ភ្លេងផ្សេងៗពីគ្នា ដោយប្រើប្រមោយរបស់ខ្លួន និងគប់បាល់ Hockey យ៉ាងប៉ិនប្រសប់ ។ ប៉ុន្តែ វាបានត្រូវគេដោះបរិក្ខារភ្ជាប់ខ្លួនដែលលំអរសំរាប់ការសម្តែង ហើយត្រូវទាក់ចងដោយច្រវាក់នៅខាងក្រៅរោងសៀកទៅវិញ ។ វាឈរក្រោមតំណក់ទឹកភ្លៀងពុំដាច់គ្រាប់ កែវភ្នែកបង្កប់នូវភាពទុក្ខសោកភ័យខ្លាច ចំពោះជោគវាសនាដ៏សាហាវ ត្រៀមសំណងលើវា ។
ព្រោះថា មុននោះ Mary បានជ្រុលសម្លាប់បុរស «ស្បែកស» ម្នាក់ តែអាក្រក់បំផុតនោះ គឹទោសទណ្ឌនេះ វាហានបំពាននៅរដ្ឋ Teunessee -កន្លែអដេលការវាយលើជនស្បែកសនាអំឡុងឆ្នាំ ១៨៨២-១៩៣០ ត្រូវបានចាត់ជាទោសធ្ងន់ធ្ងរបំផុត ។
មុននោះ នៅថ្ងៃទី១១ កញ្ញា ១៩៦១ ខ្សែរថភ្លើងដឹកក្រុមសៀករបស់លោក Charlie Sparks បានសំចតនៅប្រជុំជនមានឈ្មោះថា King Sport ចម្ងាយពី Erwin ប្រមាណ ៦៤ គីឡូម៉ែត្រ ។ ទីនេះឯងដែលរឿង «ចេតនាធ្វើឃាត» បានកើតឡើង ។
ឈ្មោះ Red (ស្បែកស) ដែលជាគ្រូបង្វឹកតែងធ្វើទារុណកម្មវាយដំខ្លាំងក្នុងពេលបង្វឹក ដើម្បីឲ្យពួកដំរីក្នុងនោះមាន Mary ក្លបខ្លាច ។ ហើយការវាយដំត្រូវបានអនុវត្តជាប្រចាំ ។
តាមច្រកចេញនៅលើឆាក ដោយហេតុតែឃ្លានពេក Mary បានរើសសំបកចេកដែលគ្រូបង្វឹកឈ្មោះ Red ស៊ីរួចបោះចោលក្បែរផ្លូវមកស៊ី ជាហេតុនាំឲ្យដំណើររបស់ក្រុមទាំងមូលត្រូវយឹតយ៉ាវ ព្រោះ Mary ជាដំរីនាំមុខគេ ។ ម្យ៉ាងទៀត ពេលនោះ Mary វាឈឺឆ្មេញ ហេតុនេះវាប្រឹងទំពារដើម្បីលេប ។ ឃើញបែបនេះ ឈ្មោះ Red ដែលជាគ្រូកំណាចបានយកដំបងបុកសំដៅមាត់របស់វា ចំកន្លែងឆ្មេញដែលឈឺ ហើយស្រែកបញ្ជារឲ្យវាទៅមុខ ។
ដោយសារខឹងខ្លាំងពេក ព្រោះបុកចំឆ្មេញកំពុងឈឺ Mary បានមានប្រតិកម្មដែលពុំមានអ្នកណាអាចរារាំងទាន់ពេល ។ វាបានគ្រវែងប្រមោយរបស់វារុំខ្លួន Red ជាប់ ហើយគ្រវែងយ៉ាងខ្លាំង ចូលទៅក្នុងតៀមលក់ដូរក្បែរនោះ ។ បន្ទាប់មក វាបោះពួយទៅជាន់ឈ្លីលើក្បាល និងខ្លួនរបស់ Red ។ សាក្សីម្នាក់ប្រាប់ថាៈ «ឈាមនិងអ្វីៗផ្សេងទៀត បានបែកខ្ទាតពេញលើផ្លូវតែម្តង» ។
ពួកដំរីនៅរោងសៀកពុំខុសពីនៅឋាននរកឡើយ
ក្រោយពេលហេតុការណ៍គួរឲ្យរន្ធត់នេះកើតឡើង គេបនរកវិធីលួចសម្លាប់វាចោល ក្នុងនោះមានបុរសម្នាក់បានប្រើកាំភ្លើង រួចបាញ់ ៥ គ្រាប់លើខ្លួនវា ប៉ុន្តែ ដោយស្បែកក្រាស់ គ្រាប់កាំភ្លើងពុំអាចទម្លុះបាន ។ ពួកស្បែកសដែលនៅក្បែរនោះ ស្រែកខ្លាំងៗថា «សម្លាប់ដំរីចោលទៅ! សម្លាប់វាចោល!» ។
អាស្រ័យដោយខ្លាចក្រែងដំណើរសម្តែងរបស់ក្រុមសៀកខ្លួនត្រូវកន្លែដទៃទៀត លុបចោលកិច្ចសន្យា ថៅកែ Charlie Sparks សម្រេចចិត្តមានតែសម្លាប់ Mary ចោល ហើយត្រូវធ្វើជាសាធារណៈ ទើបលុបបំបាត់ពាក្យចចាមអារាមថានៅក្រុមសៀកនេះមានដំរី «ឃាតករ» ១ក្បាល ។ ជម្រើសចុងក្រោយក្នុងការសម្លាប់ Mary ជាសាធារណៈ គឺមានតែ «ព្យួរក» វានៅទីសាធារណៈ ។
ព្រឹកព្រលឹមថ្ងៃទី១៣ ខែកញ្ញា ឆ្នាំ១៩១៦ ម៉ាស៊ីនស្ទួចទម្ងន់ ១០០ តោន ដែលគេប្រើសំរាប់ស្ទួចទូររថភ្លើងចេញពីផ្លូវដែក បានបើកមកដល់រោងសៀករបស់ Charlie Sparks ។ គ្រាដែល Mary បានត្រូវនាំមកកាន់កន្លែងប្រហារជីវិត ដំរី៤ក្បាលទៀត ក្នុងក្រុមបានដើរបន្តកន្ទុយក្រោយវា ដូចដែលវាចេញសម្តែងរាល់ដង ព្រោះ Charlie Sparks គិតថា វាជួយឲ្យ Mary ស្ងប់ចិត្ត ។ ប៉ុន្តែ ពេលដែលខ្សែកាប្លិ៍ត្រូវបានបំពាក់ចូលក Mary ស្រាប់តែពួកវាស្រែកបំពសម្លេងលានរន្ទីគួរឲ្យស្រណោះ ហាក់ដូចជាសម្តីលាគ្នាជាលើកចុងក្រោយ ។
មនុស្សប្រមាណ ៣០០០ នាក់បានឈរមើលពិធីប្រហារជីវិត ។ សម្រែកឈឺចាប់លានកងរំពងសន្ធាប់លើសំណើចសើចក្អាកក្អាយ សប្បាយចិត្ត របស់ពួកស្បែកស ដែលអមថែមដោយស្នូរទះដៃរបស់ពួកគេផងដែរ ។
ចុងក្រោយអ្វីៗ ក៏ធ្លាក់ក្នុងសភាពស្ងៀមស្ងាត់ Mary បានត្រូវគេបន្តព្យួរប៉ែលប៉ោលប្រហែល១ម៉ោង ទើបត្រូវបានគេទម្លាក់ចុះរណ្តៅ១ជីកទុកស្រាប់ បន្ទាប់ពីពេទ្យសត្វបញ្ចាក់ថា Mary បានស្លាប់ដើម្បីសងជីវិតជនស្បែកសម្នាក់ -គ្រូបង្វឹកដ៏ឃោរឃៅ Red ៕
