ក្នុងវ័យ ៧៨ ឆ្នាំ ហើយ លោកយាយ Kusma Vati នៅឥណ្ឌាបានអនុវត្តយ៉ាងខ្ជាប់ខ្លួននូវរបបហូបចុក «ប្រើខ្សាច់ជំនួសបាយ» តាំងពីអាយុ ១៥ ឆ្នាំ មកម្ល៉េះ ។ គិតទៅមកទល់ពេលនេះ គាត់បានហូបខ្សាច់អស់រយៈពេល ៦៣ ឆ្នាំ ។ លោកយាយប្រាប់ថាៈ «ខ្ញុំមាំមួន ហើយខ្សាច់វាស្របនឹងខ្ញុំណាស់!» ។
មុនពេលបរិភោគអាហារពេញនិយមរបស់ខ្លួន លោកយាយ Kusma តែងយកវាមកលាងសម្អាតជាមួយទឹក រួចទុកឲ្យវាស្ងួតក្រោមពន្លឺព្រះអាទិត្យ ដើម្បីឲ្យវា «ផ្អែម» ។ Kusma ប្រាប់ថា វាមានឱជារសផ្អែមដូចជាស្ករអីចឹង ។
លើកដំបូង ដែលគាត់បានសាកភ្លក់ខ្សាច់ គឺនៅវ័យ ១៥ ឆ្នាំ ប៉ុន្តែ គាត់ថា «ត្រូវឈឺក្រពះយ៉ាងខ្លាំង» ប៉ុន្តែ វា «ពុំអូសបន្លាយយូរពេកទេ» ។
តាំងពីពេលនោះមក គាត់ក៏ «ញៀន» ហើយបរិភោគវារៀងរាល់ថ្ងៃ អស់រយៈពេលជាង ៦ ទសវត្សរ៍មកហើយ ។ ករណីលើកលែងតែម្តងគត់ គឺនៅប៉ុន្មានថ្ងៃរៀបអាពាហ៍ពិពាហ៍របស់ខ្លួន គាត់បង្ខំចិត្ត «តម» ដោយខ្លាចគេឯងភ័យខ្លាច ។ ចម្លែកណាស់ ពេលនោះ គាត់បែរជាត្រូវក្រពះ «ធ្វើទុក្ខ» ទៅវិញ ។ សាច់ញាតិខាងស្វាមីបានអនុញ្ញាតឲ្យបរិភោគខ្សាច់ ដើម្បីបន្ថយការឈឺក្រពះតាមសំណូមពររបស់គាត់ ។
តាំងពីវ័យ ១៥ ឆ្នាំ មកលើកលែងតែរយៈពេល ២ ទៅ ៣ ថ្ងៃ លើកលែងដូចពោលខាងលើ គាត់រក្សារបបហូបចុកមានខ្សាច់ ៣ ពេល គឺព្រឹក-ថ្ងៃត្រង់ និងល្ងាច ។
លោកស្រី Kusma នឹងឈឺក្រពះ ហើយងងុយគេង ប្រសិនបើហ៊ានផ្អាកការបរិភោគខ្សាច់ ។
ជាមួយរបបហូបខ្សាច់១ថ្ងៃ ២ គីឡូក្រាម នោះអ្នកស្រីពុំដែលនៅមន្ទីរពេទ្យម្តងណាទេ ។ កូនចៅបានយកគាត់ទៅធ្វើអេកូ ។ លទ្ធផលបង្ហាញថា គ្រឿងក្នុងរបស់គាត់ មានសភាពល្អប្រសើរ ។
ទោះបីជាមានវ័យចំណាស់ ក៏គាត់នៅបន្តធ្វើការបាន ឲ្យតែមាន….ខ្សាច់ ៕
