កិច្ចខិតខំប្រឹងប្រែងដំបូងក្នុងការនាំមនុស្សឲ្យរស់ឡើងវិញ ក្រោយពេលស្លាប់ខួរក្បាល នឹងត្រូវបានក្រុមហ៊ុនអាមេរិកដំណើរការក្នុងឆ្នាំនេះ ។
នេះជាគម្រោងការរបស់ Bioquak ក្រុមហ៊ុនមួយមានស្នាក់ការនៅហ្វីឡាដេលហ្វី (អាមេរិក) ។ តាមរយៈនោះ ក្រុមហ៊ុននេះសង្ឃឹមថាអាចជួយឲ្យអ្នកជំងឺស្លាប់ខួរក្បាលមានជីវិតឡើងវិញ ។
តាមលោក Ira Pasto -នាយកប្រតិបត្តិក្រុមហ៊ុន Bioquak គំនិតអំពីការចាក់កោសិកាដើមផ្តើមចេញពីការសង្កេតពពួកសត្វឆ្អឹងកងមានលទ្ធភាពបង្កើតឡើងវិញនូវផ្នែកសរីរាង្គជាច្រើនរបស់ខ្លួន ។
Bioquak នឹងដំណើរការពិសោធន៍លើមនុស្សនៅប្រទេសអាមេរិកឡាទីនមួយមិនត្រូវបានកំណត់ ដើម្បីពង្វាងច្បាប់នៅអាមេរិក និងបណ្តាប្រទេសផ្សេងៗដែលសំណូមពរពិសោធន៍លើសត្វមុន ។
តាមលោក Pastor, ដំណើរការនាំមនុស្សស្លាប់ឲ្យរស់ឡើងវិញ ប្រព្រឹត្តទៅក្នុង៣ដំណាក់កាល ។ ដំបូង អ្នកជំនាញការនឹងប្រមូលកោសិកាដើមរបស់អ្នកជំងឺពីឈាម, បន្ទាប់មក ចាក់ត្រឡប់ចូលសរីរាង្គពួកគេវិញ ។ បន្ទាប់មកទៀត អ្នកជំងឺនឹងត្រូវបានចាក់ម៉ូលេគុលប្រូតេអ៊ីនមួយចូលខួរឆ្អឹង ។ ចុងក្រោយ អ្នកជំងឺឆ្លងកាត់ដំណើរការរំញោចសរសៃប្រសាទអូសបន្លាយ ១៥ ថ្ងៃ ។ លោក Pastor សង្ឃឹមថា ការព្យាបាលកោសិកាដើម អាចត្រឡប់បញ្ច្រាស «ការស្លាប់របស់ខួរក្បាល» និងជួយនាំគេត្រឡប់មកមានជីវិតវិញ ។
នៅប្រទេសជាច្រើនលើពិភពលោក អ្នកបាត់សមត្ថភាពសកម្មភាពខួរក្បាល ឬ ហៅថា ស្លាប់ខួរក្បាល សុទ្ធតែត្រូវបានចាត់បញ្ចូលក្នុងបញ្ជីអ្នកស្លាប់ ៕