គេហទំព័រសារព័ត៌មាន BBC បានផ្សព្វផ្សាយកាលពីថ្ងៃទី០៤ ខែមេសា ឆ្នាំ២០១៧ម្សិលមិញឲ្យដឹងថា ត្បូងពេជ្រដ៏កម្រមួយគ្រាប់ត្រូវបានគេយកមកដាក់លក់ដេញថ្លៃនៅទីក្រុងហុងកុង ដោយចាប់ផ្តើមពីតម្លៃមូលដ្ឋានចំនួន៥៦លានដុល្លារអាមេរិកឡើងទៅ ហើយនៅទីបំផុត ត្បូងពេជ្រនេះក៏លក់បានតម្លៃរហូតដល់៧១,២លានដុល្លារអាមេរិក ។
ត្បូងពេជ្រដ៏កម្រដែលលក់បានតម្លៃរហូតដល់៧១,២លានដុល្លារអាមេរិកនេះ មានឈ្មោះថា «Pink Star» មានទម្ងន់៥៩,៦០ការ៉ាត់ (Carats) ដែលជាត្បូងពេជ្រមានតម្លៃខ្ពស់ជាងគេលើពិភពលោក និងត្រូវបានលក់ឲ្យទៅហាងលក់គ្រឿងអលង្ការមួយយីហោ Chow Tai Fook នៅក្នុងទីក្រុងហុងកុង ៕
ប្រភព៖ dtn7