វាជាការរំដោះ និងសង្គ្រោះសត្វដំរីដ៏ល្អបំផុតពីក្នុងភក់រណ្ដៅគ្រាប់បែកចាស់ ដែលមិនធ្លាប់ឃើញពីមុនមកដែលសកម្មភាពដូចជារឿងមួយនេះ បានកើតឡើងនៅដែនជម្រកសត្វព្រៃ កែវសីមា ស្ថិតក្នុងខេត្តមណ្ឌលគិរីប្រទេសកម្ពុជា។” ជាការសរសេរឡើងរបស់គេហទំព័រល្បី BBC។
ដំរីមួយហ្វូងមានសមាជិក១១ក្បាល បាននាំគ្នាទៅរកប្រភពទឹកដែលធ្លាប់ទៅផឹករៀងរាល់ថ្ងៃ ក្នុងរណ្ដៅគ្រាប់បែកចាស់មួយដែលបន្សល់ទុកកាលពីសង្គ្រាមវៀតណាមហើយក៏ផុងក្នុងភក់នេះតែម្ដង។
អ្នកភូមិដែលនៅជិតនោះបានកាច់មែកឈើ និងស្លឹកឈើ បាញ់ទឹកជម្រះភក់យកទៅដាក់ ដើម្បីឲ្យដំរីជាន់ឡើងមក ប៉ុន្តែនៅសល់កូនដំរីមួយចុងក្រោយ ឡើងមិនរួចក៏សម្រេចយកខ្សែចង់ទាញឲ្យឡើង។ លោកតាន់ សេដ្ឋា ដែលជាទីប្រឹក្សាបច្ចេកទេសរបស់អង្គការ Wildlife Conservation Society (WCS) បាននិយាយថា មនុស្សម្នាដែលបានទៅជួយដំរីទាំងអស់ បានសម្រេចចិត្តចុងក្រោយទម្លាក់ខ្សែចង់អូសកូនដំរីចុងក្រោយឡើងគោកបានសម្រេច។
“ដំរីមួយហ្វូងនេះមានដំរីញីពេញវ័យ៣ក្បាល និងដំរីជំទង់៨ក្បាលមានឈ្មោលមានញី ដែលជាប់ក្នុងភក់នេះស្ទើរតែស្លាប់ទៅហើយ។ ដំរីទាំងនេះជាផ្នែកមួយយ៉ាងសំខាន់នៃជីវិតរស់នៅក្នុងតំបន់ដែនជម្រកសត្វព្រៃកែវ សីមា ហើយប្រសិនបើបាត់បង់ពួកគេ ពិតជាការខកចិត្តមិនស្ទើរទេ។
រណ្ដៅនេះបានកើតឡើងពីការទម្លាក់គ្រាប់បែក ជំនាន់សង្គ្រាម ប៉ុន្តែអ្នករស់នៅតំបន់នេះបានជីកបន្ថែម ដើម្បីស្តុកទឹកទឹកទុកប្រើប្រាស់។ លោក Dr Ross Sinclair ប្រធានអង្គការ WCS បាននិយាយថា នេះជាឧទាហរណ៍ដ៏អស្ចារ្យមួយរបស់អ្នកទាំងអស់គ្នា ដែលបានសហការគ្នាជួយការពារ ជីវិតសត្វព្រៃនៅកម្ពុជា៕
ខាងក្រោមនេះជាលីងរបស់ BBC
ប្រភព៖ kqube