សម្រាប់ឆ្នាំ ២០១៧ នេះ តារាសម្តែងរូបស្រស់ ពៅ លីដា កាន់តែមានការងារសិល្បៈមមាញឹក ។ នាងមានសកម្មភាពថ្មីៗជាច្រើនទាំងការថតរឿងភាគទូរទស្សន៍និងរឿងដុំ ។ ក្រៅពីនេះ ពៅ លីដា ក៏បានចូលរួមនៅក្នុងការងារសង្គមនានាផងដែរ ។ ពេលនេះដែរ ពៅ លីដា កំពុងសម្រុកថតរឿង«អាស្ទើរទឹកប៉ះខ្មោចបែកស្លុយ»របស់ផលិតកម្ម BKS ។
ក្រោយពីត្រឡប់មកពីសម្តែងនៅសហរដ្ឋអាមេរិក កាលពីចុងឆ្នាំ ២០១៦ ពៅ លីដា កាន់តែមានរូបសម្រស់ស្រស់ស្អាត និង មានសាច់ឈាម ទ្រលុកទ្រលន់ជាងមុន ។ ទោះបីជាមានអ្នកសិល្បៈវ័យក្មេងរីកដុះដាលព្រោងព្រាតក្តី តែ ពៅ លីដា នៅតាមមានការចាប់អារម្មណ៍ពីសំណាក់ម្ចាស់ផលិតកម្មនានា ។ ពេលនេះដែរនាងកំពុងថតរឿង «អាស្ទើរទឹកប៉ះខ្មោចបែកស្លុយ» របស់ផលិតកម្ម BKS ។
រឿងនេះជារឿងខ្មោច តែមានលក្ខណៈកំប្លែង ដែល ពៅ លីដា រំពឹងថា នឹងទទួល បានការគាំទ្រច្រើនពីសំណាក់មហាជន ។
ក្រៅពីនេះនាងកំពុងសម្រុកថតរឿងភាគបុរាណ«ចាប៉ីនាគត្រាច់ចរ»រួមជាមួយ លី ចាន់សីហា ជាតួឯក ។ ក្រៅពីការងារសិល្បៈ ពៅ លីដា ក៏បានចូលរួមនៅក្នុងការងារសង្គមជាច្រើនផងដែរ ៕ ចេនី
ប្រភព៖ pmhotnews