ព័ត៌មានអន្តរជាតិ ៖ ទីក្រុង ឌូបៃ ប្រកាស កាន់ទុក្ខ រយៈពេល ៣ ថ្ងៃ ពាក់ព័ន្ធនឹងមរណទុក្ខ កូន ប្រុសច្បង មេដឹកនាំ កាន់អំណាចសហព័ន្ធអារ៉ាប់អ៊ីម៊ីរ៉េត វ័យ ៣៣ ឆ្នាំ ស្លាប់បាត់បង់ជីវិត នេះបើ យោងតាមការដកស្រង់ សម្រង់អត្ថបទផ្សាយ សារព័ត៌មានរដ្ឋ ឌូបៃ WAM ។
លោក Sheikh Rashid កូនប្រុសច្បង នាយករដ្ឋមន្រ្តី និង អនុប្រធានាធិបតី សហព័ន្ធអារ៉ាប់ អ៊ីម៊ី រ៉េត លោក Sheikh Mohammed bin Rashid al-Maktoum បានស្លាប់បង់ជីវិត ព្រឹកថ្ងៃសៅរ៍ ចុង សប្តាហ៍កន្លងទៅនេះ ដោយសារតែ រោគ គាំងបេះដូង ។
សេចក្តីរាយការណ៍ បញ្ជាក់អោយ ដឹង ថានាយករដ្ឋមន្រ្តី និងអនុប្រធានាធិបតី សហព័ន្ធអារ៉ាប់ អ៊ីម៊ីរ៉េត លោក Sheikh Mohammed bin Rashid al-Maktoum មានកូនប្រុសច្បង មានឈ្មោះ Sheikh Rashid បាន ស្លាប់បាត់បង់ជីវិត ថ្ងៃ សៅរ៍ កន្លងទៅនេះ ខណៈកូនប្រុសបន្ទាប់ ត្រូវ ជា ប្អូន Sheikh Rashid មានឈ្មោះថា Sheikh Hamdan គឺជា ព្រះអង្គម្ចាស់ នៃទីក្រុង ឌូបៃ ៕
ប្រភព៖ khmerscoop