ម៉ោង៦៖៣៥នាទីព្រឹក ព្រះអាទិត្យបានរះចំពីលើកំពូលកណ្តាលនៃប្រាសាទអង្គរវត្តហើយ

នាថ្ងៃទី២៣ ខែកញ្ញា ឆ្នាំ២០១៦នេះ ភ្ញៀវទេសចរណ៏ជាតិអន្តរជាតិរាប់ពាន់នាក់បានសម្តែងភាពរំភើប បន្ទាប់ពីបានឃើញនៅទស្សនីយភាពបាតុភូតធម្មជាតិដ៏មហស្ចារ្យ ដែលព្រះសូរិយា បានរះចំកំពូលប្រាសាទអង្គរវត្ត ខណៈដែលការពីម្សិលមិញពួកគាត់បានខកខានម្តងរួចមកហើយ។

សូមបញ្ជាក់ថា ព្រឹត្តិការណ៍នេះ តែងកើតមានឡើងជាទៀងទាត់ក្នុងមួយឆ្នាំពីរដងនៅពេលដែលយប់ និងថ្ងៃមានរយៈពេលស្មើគ្នា គឺ នៅថ្ងៃទី២០-២១ខែមីនា និងថ្ងៃទី២១-២២ ខែកញ្ញា តែឆ្នាំនេះដោយសារសមរាត្រីនឹងត្រូវកើតមានឡើងនៅម៉ោង៩និង២១នាទីយប់ថ្ងៃទី២២ខែកញ្ញា ដូច្នេះ ទើបគេអាចទស្សនាព្រះអាទិត្យរះចំពីលើកំពូលប្រាង្គកណ្តាលនៃប្រាសាទអង្គរវត្តនៅព្រឹកថ្ងៃទី២៣ខែកញ្ញានេះទៅវិញ។

ប្រភព៖ cnc