សមត្ថកិច្ចខណ្ឌ៧មករាក្នុងរាជធានីភ្នំពេញបានហែករូបថតលោក កែម ឡី និងបដាតវ៉ាផ្សេងៗទៀតរបស់ប្រជាសហគមន៍បុរីកីឡានៅព្រឹកនេះ ពេលដែលពលរដ្ឋរៀបចំតវ៉ាថ្ងៃចន្ទពណ៌ខ្មៅ ដើម្បីទាមទារយុត្តិធម៌សង្គម។
ប្រជាសហគមន៍បុរីកីឡានិងសកម្មជនដីធ្លីមកពីខេត្តកោះកុងប្រមាណ១០នាក់ បានរៀបចំការតវ៉ានៅក្នុងសហគមន៍បុរីកីឡានៅថ្ងៃចន្ទនេះ ដោយទាមទារឲ្យដោះលែងមន្ត្រីអង្គការសង្គមស៊ីវិល៤រូប មន្ត្រីអគ្គលេខាធិការរង គ.ជ.ប ១រូប និងទាមទាររកយុត្តិធម៌ឲ្យលោក កែម ឡី។ ប៉ុន្តែនៅពេលកំពុងតវ៉ា សមត្ថកិច្ចមួយក្រុមបានចេញមករារាំង ហើយបានហែករូបថតលោក កែម ឡី និងបដាមួយចំនួនទៀត។
ក្រោយពេលរារាំងសមត្ថកិច្ចឃាត់ខ្លួនស្រ្តីម្នាក់នៅក្នុងសហគមន៍បុរីកីឡាគឺអ្នកស្រី ស ស៊ន ដែលបានចូលរួមតវ៉ា យកទៅសួរនាំនៅខណ្ឌ៧មករា៕
ប្រភព៖ VOD