ស្វាឪ១ក្បាលឈ្មោះ Cha Cha ដែលរត់គេចចេញពីក្នុងឧស្យានរបស់វា ស្ថិតនៅក្នុងទីក្រុង Sendai ប្រទេសជប៉ុន បានធ្វើឲ្យប៉ូលីស និងបុគ្គលិកសួន តាមប្រដេញចាប់អស់រយៈពេល២ម៉ោងដូចសម្តែងល្ងោនអីចឹង តាមច្រកល្អកលំនៅដ្ឋានអ្នកស្រុក, នេះបើយោងតាមប្រព័ន្ធផ្សព្វផ្សាយធំបំផុតរបស់ជប៉ុន NHK ។
NHK រាយការណ៍ថា បន្ទាប់សត្វស្វានេះបានគេចចេញពីក្នុងឧស្យាន Yagiyam Zoological, វាបានឡើងលើបង្គោលទូរស័ព្ទ និងរត់តាមខ្សែភ្លើងគួរឲ្យគ្រោះថ្នាក់ មុនពេលជាចុងក្រោយ វាត្រូវបានសមត្ថកិច្ចសម្រេចបាញ់នឹងកាំភ្លើងថ្នាំរម្ងាប់ចិត្ត ។
ឆ្លើយតបនឹងករណីនេះផងដែរ លោក Toshikatsu Ouchi នាយកឧស្យាន Yagiyama Zoological បានថ្លែងនៅក្នុងសន្និសីទកាសែតមួយ ដោយសុំការអភ័យទោសឡើងបែកញើសដាប ចំពោះផលលំបាកមួយនេះដែលបង្កដល់ពលរដ្ឋក្នុងតំបន់ ។
យោងតាមរបាយការណ៍, នោះការស៊ើបអង្កេតមួយ ក៏ត្រូវបានបើកដំណើរការដោយមន្ត្រីសួនសត្វខាងលើនេះផងដែរ ៕
