Christina បានឃើញកន្តឹងជួងព្យួរមុខផ្ទះបាត់ ហើយក៏ក្រឡេកឃើញសំបុត្រ១ច្បាប់នៅក្បែរនោះ ។ ពោលគឺពេលលួចយកកន្តឹងជួង «ក្តឹបចោរ» គួរឲ្យអាណិតបានទុកប្រាក់ ៥ ដុល្លារ ជាមួយសំបុត្រ១ច្បាប់ ។
សំបុត្រសរសេរថាៈ «ក្មួយពិតជាសុំទោសជាខ្លាំង ព្រោះបានយកកន្តឹងជួងដោយចិត្តឯងបែបនេះ ។ ម្តាយរបស់ក្មួយបានស្លាប់ ហើយក្លាយជាមេអំបៅ ហេតុនេះ ប្អូនស្រីរបស់ក្មួយចង់បានកន្តឹងជួងនេះ មកព្យួរនៅបង្អួចផ្ទះ ។ ក្មួយពិតជាសុំទោស ហើយលុយនេះជាអ្វីៗដែលក្មួយមាន ។ សូមមេត្រាកុំខឹងក្មួយ!» ។
សែនរន្ធត់ចិត្ត នឹងទង្វើរបស់ក្មេងប្រុសម្នាក់នេះ Christina បានសម្រេចចិត្តបង្ហោះវារឿងនេះឡើងគណនីហ្វេសប៊ុករបស់នាង ដែលមាន Nickname Chrissy Marie បំណងស្វែងរកព័ត៌មានពី «ក្តឹបចោរ» គួរឲ្យអាណិត ។
នាងក៏បានសរសេរសារមួយថាៈ «Jake! មីងពុំដឹងថាក្មួយជាអ្នកណា តែសុំក្មួយត្រឡប់មកយកលុយរបស់ក្មួយ ហើយកន្តឹងជួងមួយទៀត ដើម្បី២នាក់បងប្អូនមានកន្តឹងជួងម្នាក់១ ។ មីងពុំខឹងទេ ។ ក្មួយត្រឡប់មកផ្ទះមីងណា៎!» ។
ក្រោយមក រឿង «ក្តឹបចោរគួរឲ្យអាណិត» បានរាលដាលយ៉ាងលឿនពាសពេញបណ្តាញសង្គម ហើយទទួលបានចំណាប់អារម្មណ៍ដ៏ពិសេស! ។
Christina បានទិញកន្តឹងជួងមួយទៀត ទុកឲ្យ «ក្តឹបចោរ» ។
Christina ក៏បានឲ្យដឹងផងដែរថាៈ ខ្ញុំនាងពុំមានម្តាយតាំងពីតូចម្លេះ ហេតុនេះ ពិតជាយល់ពីអារម្មណ៍របស់បងប្អូន២នាក់នោះ ។ នាងនៅបានពឹងពាក់គេហទំព័រ Go Fund Me ដើម្បីសងលុយឲ្យ Jake ។
នាងចែករំលែកបន្តៈ «ពួកក្មេងៗពិតជាគួរឲ្យស្រឡាញ់ រឿងរ៉ាវពិតជាហួសពីការទ្រាំទ្ររបស់ពួកវា ។ Jake បានប្រឹងប្រែងធ្វើរឿងត្រឹមត្រូវ ហើយខ្ញុំលើកលែងទោសឲ្យវា ។ ខ្ញុំពុំអាចស្អប់ក្មេងម្នាក់ ព្រោះតែកន្តឹងជួងតម្លៃពុំដល់ ៥ ដុល្លារ ផងឡើយ!» ៕
