តារាសម្តែងមានសន្ទុះនៃការគាំទ្រយ៉ាងខ្លាំងពីសំណាក់មហាជន កញ្ញា ដួង ម៉ានិច កាលពីពេលថ្មីៗនេះបានថ្លែងឲ្យដឹងថាកាលពីមុននាងថតក្នុងមួយរឿងត្រឹមតែ២ពាន់ដុល្លារប៉ុណ្ណោះ ដោយឡែកដោយមើលឃើញនៃកាគាំទ្ររបស់នាងខ្លាំងសុំឡើងថ្លៃ១ពាន់ដុល្លារទៀត។
កញ្ញា ដួង ម៉ានិច បានថ្លែងឲ្យដឹងថា « សម្រាប់រឿងភាគនាងទទួលបានតម្លៃខ្លួន៣ពាន់ដុល្លារឡើងក្នុងមួយ រឿងមិនគិតចំនួនភាគ។ ចំពោះរឿងដុំវិញ នាងស៊ីថ្លៃគិតតាមថ្ងៃ ដោយ១ថ្ងៃចាប់ពី១៥០ ដុល្លារទៅ ២០០ ដុល្លារ រីឯការថតMVវិញ នាងស៊ី១ថ្ងៃ៧០ ដុល្លារ។ដោយឡែកការថតស្ប៉តពាណិជ្ជកម្មវិញ ស្រីស្អាតរូបនេះកាន់តែស៊ីថ្លៃថែមទៀត ដោយនាងប្រាប់ថា ១ស្ប៉ត នាងស៊ីថ្លៃរហូតដល់ទៅ៦ពាន់ដុល្លារឯណោះ។»
ទទឹម គ្នានោះដែរបច្ចុប្បន្ន ម៉ានិច មានការងារ១ទៀត គឺ Promote ទំព័រហ្វេសប៊ុក ឲ្យហាងក៏ដូចជាក្រុមហ៊ុនថែមទៀតផង។ នាងប្រាប់ថា ការងារនេះ ខ្លួនបានកុងត្រាជាឆ្នាំ ដោយ១ឆ្នាំយក៤ពាន់ដុល្លារ ក្នុងនោះ ការងារនាងត្រូវថត២ វីដេអូ៕ hanova
