តារាកំប្លែង នាយពែកមី ដែលមានប្រជាប្រិយភាព ជាប្រធានក្នុងក្រុមកំប្លែង CBS និងជាផលិតករផលិតរឿងកុនកំប្លែង បានបង្ហាញវីដេអូឃ្លីបតាមរយៈការឡាយផ្ទាល់ក្នុងគណនីសង្គមហ្វេសប៊ុករ បស់លោក បង្ហាញអំពីកាតព្វកិច្ចឪពុកល្អ និង ពាក្យអប់រំជាច្រើន រួមទាំងរំលឹកនូវអនុស្សាវរីយ៍ចាស់ៗជាមួយភរិយា។
នាយពែកមី កាលពីសប្តាហ៍មុនគេបានឃើញលោក ចូលផ្ទះបាយដើម្បីធ្វើម្ហូបអាហាបរិភោគពីរអ្នកប្អូនប្រុសគឺនាយគ្រាន់ ដោយហេតុថាភរិយាមិននីៅផ្ទះ និងមិនចង់ទៅទទួលទានអាហាក្រៅផ្ទះ ក៏សម្រេចចិត្តពីរអ្នកបងប្អូនធ្វើអាហានៅផ្ទះដោយខ្លួនតែម្តងទៅ។
ជាមួយគ្នានេះដែរ លើកនេះ តារាកំប្លែងនាយពែកមី បានបង្ហាញទង្វើជាឪពុកល្អដោយការងូតទឹកឲ្យកូនប្រុសរបស់ខ្លួនដែលមានអាយុប្រហែលជា ៤ទៅខែ ។ នាយពែកមី ងូតទឹកឲ្យកូនប្រុសដោយការយកចិត្តទុកដាក់ និងថ្នាក់ថ្នមជាទីបំផុត ហើយអ្វីដែលបានឃើញនោះគឺនាយ មើលទៅដូចជាមិនមែនងូតទឹកឲ្យកូនជាលើកដំបូងទេ ព្រោះបើមើលទៅលើរបៀបនៃការកាន់កូន និងពរកូនការចាក់ទឹក គឺនាយធ្វើឡើងយ៉ាងស្ទាត់ជំនាញ។
តារាកំប្លែងរូបនេះ ខណៈពេលកំពុងងូតទឹកឲ្យកូនប្រុស នាយក៏បានលើកឡើងអំពីការអប់រំ ហាមប្រាមដាច់ខាតកុំសេពគ្រឿងញៀន ព្រោះវាធ្វើឲ្យសង្គមជាតិអសន្តិសុខដោយសារគ្រឿងញៀននេះហើយ ជាពិសេសគឺក្មេងៗជំទង់ៗដែលមានមិត្តមិនល្អ ហេតុនេះហើយទើបនាយពែកមី អំពាវនាវឲ្យមាតាបិតាគ្រប់រូប តាមដានកូនឲ្យបានដិតដល់។
ក្រោយពីនោះមក នាយពែកមីក៏បាន ហៅភរិយាឲ្យជិត និងបានរៀបរាប់ពីការស្រលាញ់ ក៏ដូចជាបង្ហាញទង្វើស្រលាញ់និងខ្នាញ់ភរិយានៅចំពោះមុខការឡាយផ្ទាល់ ធ្វើឲ្យភរិយារបស់លោក អៀនជាខ្លាំងព្រោះមើលទៅភរិយារបស់នាយពែកមី ជាមនុស្សពុំសូវលេងសើចច្រើន ឬកំប្លេងដូចស្វាមីឡើយ ៕
