យោងតាមប្រភពព័ត៌មាន បានឲ្យដឹងថា និស្សិតស្រីម្នាក់ឈ្មោះ Lee ត្រូវបាននិស្សិតស្រីឈ្មោះ Huang រួមជាមួយមិត្តភក្តិស្រីៗចំនួន ៦ នាក់ នាំគ្នាព្រួយវាយ និងបង្ខំឲ្យថតទាំងកាយអាក្រាត ហើយបន្ទាប់ពួកគេក៏បានបង្ហោះរូបភាពទាំងនោះចូលបណ្តាញ QQ ។ រឿងរ៉ាវនេះកើតឡើង គឺដោយសារតែ Huang បានចោទប្រកាន់ Lee លួចសន្ទនា (Chat) ជាមួយប្រុសស្នេហ៍របស់នាង ទើបបណ្តាលឲ្យនាងខឹងសម្បារទ្រាំលែងបាន និងសម្រេចចិត្តចងគំនុំបែបនេះ ។
ក្នុងខណៈនោះផងដែរ Huang ក៏បានគំរាម Lee កុំរាយការណ៍ពីហេតុការណ៍នេះឲ្យសាលាដឹងឲ្យសោះ បើពុំនោះសោត នឹងប្រឈមទណ្ឌកម្មខ្លាំងជាងនេះពុំខានឡើយ ។
ទោះយ៉ាងណា បើតាមប្រភពឲ្យដឹង ទង្វើដ៏សាហាវគ្មានការអត់ឱនរបស់ពួកនិស្សិតស្រីៗទាំងនេះ ត្រូវបានរកឃើញ ហើយពួកគេត្រូវទទួលពិន័យតាមច្បាប់របស់សាលាផងដែរ ៕
