អម្បូរជន្លេន Dugesia Japonica ត្រូវបានអ្នកជីវសាស្ត្រនៃសកលវិទ្យាល័យស្រាវជ្រាវឯកជន Tufts (អាមេរិក) បញ្ចូនទៅកាន់ស្ថានីយ៍អវកាសអន្តរជាតិ អំឡុងពេល ៥ សប្តាហ៍ ។ លទ្ធផលដំបូង គឺក្នុងលក្ខខ័ណ្ឌគ្មានទម្ងន់ និងក្រោមឥទ្ធិពលនៃធរណីម៉ាញេនិក អំម្បូរជន្លេននេះបានប្រែប្រួលទៅជាពុំមានភេទ ហើយគំរូខ្លះទៀតបែរជាមានក្បាលដល់ទៅ២ ។
គួរបញ្ជាក់ថា មុនពេលបញ្ជូនទៅកាន់អវកាស ជន្លេននេះត្រូវបានកាត់ក្បាល និងកន្ទុយចោល (ពួកវាមានសមត្ថភាពបង្កើតរាងកាយបានដោយខ្លួនឯង) រួចទើបគេបញ្ជូនវាទៅក្នុងបំពង់ពិសោធន៍ផ្ទុកទឹក និងអ៊ុកស៊ីហ្សែនពេញ រួចគេធ្វើការតាមឃ្លាំមើលវាពីផែនដី ក្នុងរយៈពេល ២០ ខែ ។
តាមក្រុមស្រាវជ្រាវ នោះពុំមានសត្វណាមួយក្នុងចំណោមសត្វ ១៥.០០០ ក្បាល មានបាតុភូតបែបនេះទេ ។ ជាងនេះទៀត គំរូពិសោធន៍នោះ បានត្រូវកាត់ចោលទាំងក្បាល និងកន្ទុយ រួចវាបែរជាស្វ័យបង្កើតទៅជារាងកាយថ្មី ពោលគឺមានក្បាទាំងសងខាង ពុំមែនម្ខាងក្បាល ម្ខាងកន្ទុយទេ ។
ពួកគេកំពុងបន្តអនុវត្តការវះកាត់ក្បាលកន្ទុយ នៅលើស្ថានីយ៍ ISS តែម្តងមើល ថាតើដំណើរការបង្កើតសរីរាង្គថ្មីរបស់វាយ៉ាងដូចម្តេច ? ៕