តាមអ្នកវិទ្យាសាស្ត្រ ច្រកទ្វាពេលវេលា ត្រូវបានចាត់ទុកថាបង្ហាញវត្តមាន១០ឆ្នាំមុន នៅប៉ូលខាងត្បូង ។ របកគំហើញនេះ ត្រូវបានផលិតករភាពយន្តយកទៅសាងជាខ្សែភាពយន្ត «ចម្លែក» ប្លែកអារម្មណ៍ ជាច្រើន ប្រហែលប្រិយមិត្តក៏ធ្លាប់បានទស្សនា ។
ចំពោះអ្នកវិទ្យាសាស្ត្រវិញ វាជាវិញ្ញាសារមួយដ៏លំបាកសំរាប់ធ្វើការស្រាយបញ្ជាក់តាមបែប «វិទ្យាសាស្ត្រ» ។ គេក៏នៅពុំទាន់មានការបកស្រាយលំអិតទេ គ្រាន់តែអាចបកស្រាយពន្យល់បែបងាយៗថាៈ ច្រកទ្វារពេលវេលគឺជាបាតុភូតមួយបានធ្លាប់កើតឡើងនៅដែនគោក នាប៉ូលខាងត្បូង ។ ច្រកទ្វានេះមានរាងដូចគូទខ្យង និងអាចស្រូបទាញយកនូវអ្វីៗដែលឆ្លងកាត់វា រួចបញ្ចូនវត្ថុនោះវិលទៅរកខណៈពេលណាមួយនាងអតីតកាល ។
… ១០ ឆ្នាំមុន ក្រុមអ្នកវិទ្យាសាស្ត្រអាមេរិក និងអង់គ្លេស បានរកឃើញហេតុការណ៍ចម្លែកពុំធ្លាប់មានមួយកំពុងប្រព្រឹត្តទៅនៅប៉ូលខាងត្បូង នាខណៈពេលពួកគេកំពុងរួមគ្នាអនុវត្តគ្រោងការណ៍ស្រាវជ្រាវអាកាសធាតុរួម ។ ក្រុមស្រាវជ្រាវបានសង្កេតឃើញទាំងស្រុងនូវវត្តមាននៃគំនួចខ្យល់ពេលវេលាមួយ ។
រូបវិទូអាមេរិក Maryland, Mc Lean និងសហការីរបស់លោក ចាត់ទុកថាបានឃើញ «តំបន់គំនួចអព្ទពណ៌ក្រម៉ៅ» លើលំហអាកាស ។ អ្នកវិទ្យាសាស្ត្រដទៃទៀត បានទាត់ពេលចោលគំនិតនេះ ដោយថាវាគ្រាន់តែជាខ្យល់គួចមួយប៉ុណ្ណោះ ។
តាមការពណ៌នា រង្វង់គំនួចមានសណ្ឋានគូទខ្យង ហើយវាពុំបែកខ្ញែកប្រែប្រួលដោយកត្តាដទៃទៀត នៃបរិយាកាស ។ ពោលគឺពិតជាចម្លែក! ព្រោះថា ខ្យល់និងពពក ចលនាប្រែប្រួលលើលំហ ខណៈពេលតំបន់គំនួចពណ៌ក្រម៉ៅនេះវានៅទ្រឹងមួយកន្លែង ។
ដើម្បីពិសោធន៍បាតុភូតដ៏ចម្លែកនាតំបន់ដ៏សែនឆ្ងាយមួយនេះ ពួកគេបានយកពោងឧត្តុនិយមរបស់ខ្លួន ភ្ជាប់តាមបរិក្ខារឧត្តុនិយម ដើម្បីអាចបញ្ជូនសម្របសម្រួលសីតុណ្ហភាព សម្ពាធបរិយាកាស សំណើម ល្បឿនខ្យល់ និងនាឡិកាតក់ត្រាម៉ោង ព្រមទាំងតួលេខបច្ចេកទេសដទៃទៀត ។
ក្រោយពេលតភ្ជាប់ជាមួយខ្សែក្លាបិ៍រួចរាល់ គេក៏បង្ហោះវាសំដៅទៅទិសនៃតំបន់គំនួចខ្យល់ពណ៌ក្រម៉ៅននោះ ។ ក្នុងរយៈពេលមួយយ៉ាងខ្លី ពោងនោះ បានត្រុវរង្វង់គំនួចខ្យល់នោះស្រូបចូល «ពោះ» បាត់ស្រមោល ។ បន្ទាប់មក ក្រុមអ្នកវិទ្យាសាស្ត្រក៏រមូរខ្សែកាប្លិ៍ទាញពោងនោះមកវិញ ។
នៅខណៈពេលត្រួតពិនិត្យមើលនាឡិកាដែលភ្ជាប់ជាមួយពោងឧត្តុនិយម ពួកគេពិតជាបះសក់ច្រូង ដោយសារតែនាឡិការបានបង្ហាញពេលវេលាត្រឡប់ទៅ អំឡុងពេល… ៣០ ឆ្នាំមុនឯណោះ ។
ប្រការដែលចម្លែកទៀតនោះ គឺពុំមានបរិក្ខារអ្វីរងការខូចខាតទាំងអស់ ហើយពួកគេក៏បន្តសាកពិសោធន៍ប៉ុន្មានលើកទៀត តែលទ្ធផលគឺដដែលៗ -ត្រឡប់ទៅកាន់វេលា៣០ឆ្នាំមុន ។
ដោយហេតុនេះឯង ទើបអ្នកវិទ្យាសាស្ត្រហៅថា ច្រកទ្វារពេលវេលា ។ គេថា រង្វង់គំនួចខ្យល់ពុំឈប់ឈរនៅប៉ូលខាងត្បូងនោះ គឺជាផ្លូវដែលនាំទៅកាន់យុគ្គសម័យមួយផ្សេង ។
ការសិក្សាស្រាវជ្រាវបន្ទាប់មក ត្រូវបានប្រគល់ឲ្យអង្គការ NASA ។ គេនៅពុំទាន់បានដឹងពីរបកគំហើញបន្តនៃការសិក្សាស្រាវជ្រាវរបស់ NASA នៅឡើយទេ ៕
