នៅព្រឹកថ្ងៃសុក្រទី១៣ ខែមករា កាលពីមួយម៉ោងមុននេះ លោក Jonathan Beale ភ្នាក់ងារសារព័ត៌មាន BBC បានរាយការឲ្យដឹងថា ទាហានអាមេរិករាប់ពាន់នាក់អមដោយរថក្រោះជាង៨០គ្រឿង និងរថពាសដែកជាច្រើនគ្រឿងផ្សេងទៀត បានធ្វើដំណើរមកដល់ទីតាំងសមរភូមិប្រយុទ្ធទ្វីបអឺរ៉ុបនៅប្រទេសប៉ូឡូញរួចហើយ ដោយពួកគេកំពុងរៀបចំប្រុងប្រៀបសង្រ្គាមឆ្លើយតបទៅកាន់ប្រទេសរុស្ស៊ីទៀតផង។
ស្របគ្នានេះដែររុស្ស៊ីបានដាក់ពង្រាយមីស៊ីលកំពូលអនុភាពរបស់ខ្លួនប្រភេទ 9K720 Iskander នៅចន្លោះប្រទេសប៉ូឡូញ និង លីទុយអានីរងចាំធ្វើប្រតិកម្មតបផងដែរ។ គួរបញ្ជាក់ផងដែរថា កម្លាំងយោធារវាងប្រទេសមហាអំណាចទាំងពីរកំពុងប្រឈមមុខដាក់គ្នានៅអឺរ៉ុប និងធ្វើការគំរាមកំហែងគ្នាទៅវិញទៅមកដោយប្រយោលមួយ បន្ទាប់ពីរថក្រោះអាមេរិកចូលដល់ប្រទេសប៉ូឡូញនៅថ្ងៃនេះ។
ប្រភព៖ kqube