ក្រៅពីសហរដ្ឋអាមេរិកដែលធ្លាប់ប្រកាសដាក់ឲ្យប្រើប្រាស់ និងកំពុងធ្វើទំនើបកម្មនូវអាវុធឡាស៊ែរ « Laser Weapon System » របស់ខ្លួននោះ គឺអង់គ្លេសក៏កំពុងធ្វើតេស្ដពិសោធន៍នូវអាវុធប្រភេទ Laser នេះដែរក្នុងគោលបំណងដោះស្រាយដល់កងកម្លាំងទាហានអង់គ្លេសបាន និងកំពុងប្រឈមមុខសព្វថ្ងៃ ។
![Image may contain: sky, outdoor and nature]()
គេហទំព័រសារព័ត៌មាន BBC បានផ្សព្វផ្សាយកាលពីថ្ងៃទី០៥ ខែមករា ឆ្នាំ២០១៧ម្សិលមិញឲ្យដឹងថា អង់គ្លេសសម្រេចចិត្តចំណាយប្រាក់ចំនួន៣០លានផោន ឬស្មើនឹងប្រមាណ៣៧លានដុល្លារអាមេរិកដើម្បីឲ្យមន្ទីរពិសោធន៍វិទ្យាសាស្ដ្រ និងបច្ចេកវិទ្យាវិស័យការពារជាតិធ្វើតេស្សពិសោធន៍ទៅលើគំរូអាវុធ Laser រហូតដល់ឆ្នាំ២០១៩ខាងមុខ ។
![Image may contain: sky, night and outdoor]()
សហរដ្ឋអាមេរិកធ្លាប់បានសាកល្បងដោយជោគជ័យរួចហើយនូវអានុភាព និងប្រសិទ្ធភាពអាវុធ Laser របស់ខ្លួន គឺអាចបាញ់កម្ទេចគោលដៅសត្រូវក្នុងរយៈចម្ងាយជាង២០០គីឡូម៉ែត្រដោយល្បឿនលឿនបំផុតរហូតដល់ប្រមាណជាង១០ ៨០០គីឡូម៉ែត្រក្នុង១ម៉ោង ។
![Image may contain: cloud, sky, ocean, outdoor, water and nature]()
តាមគេហទំព័រសារព័ត៌មាន Daily Mail របស់អង់គ្លេសបានផ្សព្វផ្សាយឲ្យដឹងថា កងកម្លាំងទាហានអាមេរិកនឹងធ្វើទំនើបកម្មទៅលើអាវុធ Laser របស់ខ្លួនយ៉ាងពេញទំហឹងនៅឆ្នាំ២០២៣ខាងមុខសម្រាប់បំពាក់ឲ្យយន្ដហោះគ្មានមនុស្សបើកទប់ទល់នឹងកាំជ្រួចមីស៊ីលរបស់សត្រូវ ៕
ប្រភព៖ dtn7
