ការស៊ើបអង្កេតមួយធ្វើឡើងដោយគេហទំព័រព័ត៌មាន The Star បានរកឃើញថា «ក្រុមអ្នកសុំទាន» មួយក្រុមត្រូវបាន «បង្កើតឡើង» ដោយក្រុមជើងកាងចិន ។ ពួកឧក្រិដ្ឋជនទាំងនោះបានចាប់ជំរិតក្មេងៗយកទៅធ្វើបាបឲ្យក្លាយជាជនពិការ និងបង្ខំពួកគេឲ្យសុំទានតាមដងផ្លូវនៅទីក្រុងគូឡាឡាំពួរ ។
ម្នាក់ក្នុងចំណោមអ្នកសុំទានប្រហែល ៣០ នាក់ ឈ្មោះ Xiu Yuan បានប្រាប់អ្នកសារព័ត៌មានថា គាត់កើតមកមានរូបរាងនិងសុខភាពល្អ ប៉ុន្តែក្រោយមក ត្រូវបានធ្វើឲ្យពិការដោយក្រុមជើងកាង នៅពេលគាត់នៅវ័យកុមារ និងត្រូវបានបង្ខាំងទុកដោយពួកចាប់ជំរិតទាំងនោះ អស់រយៈពេលច្រើនឆ្នាំ មុនពេលត្រូវបានអនុញ្ញាតឲ្យធ្វើដំណើរទៅក្រៅប្រទេស ។ ដំបូងឡើយ គាត់សុំទាននៅតាមដងផ្លូវនៃប្រទេសចិន និងក្រោយមក ក៏ត្រូវបានផ្តល់ “សិទ្ធិ” ចេញទៅបរទេស ។
The Star រាយការណ៍ថា នាំទៅកាន់ប្រទេសម៉ាឡេស៊ីតាមរយៈទិដ្ឋាការទេសចរណ៍, Xiu Yuan បានចំណាយពេលភាគច្រើនសុំទានតាមដងផ្លូវ ។ គាត់ត្រូវបានឲ្យរស់ផ្ទះតម្លៃថោកមួយកន្លែងក្នុងប្រទេសម៉ាឡេស៊ី -ទីកន្លែងដែលប្រាប់ចំណូលគាត់រកបានពីការសុំទាន ត្រូវបានប្រគល់ទៅឲ្យមេក្លោងជើងកាង ។
អ្នកសារព័ត៌មានក្រោយមក បានចុះទៅជួបអ្នកសុំទានឈ្មោះ Do Feng អាយុ ៣០ ឆ្នាំ មកពី Zhengzhou ដែលបានប្រាប់ពួកគេអំពីចំនួនលុយដែលពួកអ្នកសុំទានរំពឹងប្រមូលបាន ។
Feng បានប្រាប់អ្នកសារព័ត៌មានថាៈ «ពួកបានធ្វើដំណើរដោយតាក់ស៊ី និងការហូបចុក ត្រូវបានផ្គត់ផ្គង់ដោយមេរបស់ពួកយើង ។ ការងាររបស់ពួកយើងខ្ញុំ គឺត្រូវតែរកលុយឲ្យបានយ៉ាងតិច RM1,200 (1,900 យន់, ជិត ៣០០ ដុល្លារ) ក្នុង១ថ្ងៃ បន្ទាប់ចាកចេញពីមូលដ្ឋានរបស់ពួកយើង នៅផ្លូវ Petaling»។
Feng រៀបរាប់ឲ្យដឹងទៀតថាៈ «ក្នុង១សប្តាហ៍ៗ អ្នកសុំទានម្នាក់ៗអាចរកប្រាក់បានរហូតដល់ RM3,000 (៤,៨០០ យន់ ប្រហែល ៧០០ ដុល្លារ) ដោយពឹងផ្អែកទៅលើចំនួនភ្ញៀវទេសចរ ។ មេៗរបស់ពួកយើងបន្ទាប់មក បានដកយកចំនួន RM1,500 (២,៤០០ យន់ ជាង ៣០០ ដុល្លារ) »។
មន្ត្រីសុំមិនបញ្ចេញឈ្មោះម្នាក់មកពីស្ថានកុងស៊ុលប្រចាំប្រទេសចិននៅក្នុងប្រទេសម៉ាឡេស៊ី បានប្រាប់ Beijing Youth Daily ថាៈ «ករណីមនុស្សមកពីប្រទេសចិន ចាប់ផ្តើម និងវង្វេងនៅក្នុងប្រទេសម៉ាឡេស៊ី មិនមែនទើបកើតឡើងនាពេលថ្មីៗនេះទេ» ៕
