ចំណាត់​ថ្នាក់​ FIFA កម្ពុជា​​ហក់​ឡើង​លើ​​សិង្ហបុរី​ ក្នុង​ខែ​នេះ​

តារាងចំណាត់ថ្នាក់ក្រុមបាល់ទាត់ជម្រើសជាតិកម្ពុជានៅ FIFA Ranking បានហក់ឡើងលើក្រុមខ្លាំងសិង្ហបុរីសម្រាប់ខែតុលានេះ បន្ទាប់ពីទទួលបានលទ្ធផលល្អក្នុងការប្រកួតកន្លងមក។

តាមការចេញផ្សាយថ្មីរបស់សហព័ន្ធបាល់ទាត់ពិភពលោក FIFA បានបង្ហាញថា ចំណាត់ថ្នាក់ FIFA Ranking របស់ក្រុមបាល់ទាត់ជម្រើសជាតិបានឡើង៦លេខសម្រាប់ខែតុលានេះពោលគឺលោតពីលេខ១៧៣កាលពីខែមុនមកលេខ១៦៧។ បើប្រៀបចំណាត់នៅក្នុងតំបន់អាស៊ានដែលមាន១១ប្រទេស កម្ពុជាបានស្ថិតនៅលើសិង្ហបុរី (លេខ១៧១ ធ្លាក់១៦) លើឡាវ (លេខ ១៧៥ ឡើង១លេខ) លើឥណ្ឌូណេស៊ី (លេខ១៧៩ ឡើង២លេខ)  លើទីម័រខាងកើត (លេខ១៨៦ ធ្លាក់៣លេខ) លើប៊្រុយណេ (១៩២ ឡើង៥លេខ)។

ប្រភព៖ Sabay